My Maramag Trip

Mga alas-onse dun sang kagab-ihon sang Oktubre 27, 2010 sang maabot koang Maramag. Samtang sa dalan pa lang mabatyagan mo gid kung ano kabugnaw ang Bukidnon sa oras sang kagab-ihon.

Maswerte ako sa pag-atiman sa akon sang mga pamilya Puerto sa Maramag. Sa sina man nga adlaw birthday ni Bryan, isa sa mga estudyante ko sa Kong Hua School. Nabusog gid ako sang gin preparar nila nga pagkaon pareho sang adobo nga "native na manok", sinabawan kag binutangan sang ugbos ka katumbal kag kapayas. Perti gid ka namit.

Daw mahidlaw man ako sa probinsya namon sa Cotabato kag sa Iloilo. Ang mga tawo simple ang pagpangabuhi. Matandos kag mayad gid sing mga batasan. Pagpanguma man ang kinabuhian sang mga tawo sa Maramag. Matawhay kag layo sa gamo nga lugar. Bisan pa sa kabud kun kis-a, ang mga tawo didto makita mo nga nagayuhum kag maabi-abihon gihapon.

Sa pagkahapon sang Oktubre 28, nakapamasyar kami sa Deer Farm ni Sen. Miguel Zubiri. Nalingaw man ako didto sang mga gakalain-lain nga mga kasapatan nga gina atipan nanda sa resort. Malas lang abi kay wala gid kami dala nga camera.

Sa pagpauli nag-agi kami sa uma day Maam Neneng. Lingaw man ang mga tawo didto. Birthday ni Nong Ricky pagkadto namon. Malipay gid ikaw mag-isip kay sa pihak sang kabudlay sa sitwasyon kag biskan gamay lang nga handa, si Nong Ricky indi gid malipat pang-imbitar sang iya mga tupad balay para mag-iyapon.

Si Maam Neneng, mayad man tawo kay makit-an mo gid ang pag-atipan niya indi lang sa iya uma kag para makakuha kwarta sa kinapuyan sang mga trabahante kundi makita mo man ang sinseridad niya sa pag aligrar sang mga panlawas kag pinansiyal nga panginahanglanon sang iya mga tinawo. Kung isipon mo gani, daw indi layo nga pamilya ang iya pagtratar. Amo gid ina siguro, nga kung maayo ka sa imo isig katawo, ang grasya nga imo ginahatag sa ila ibalik sang Dios sa pila ka pilo.

Ang akon pagbisita didto, isa sa mga indi ko gid malimtan nga biyahe. Kada oras nag kaon kami. Ikaw na lang magsurrender. Kun magtinir pa siguro didto sang mga isa ka semana sigurado gid madugangan sa tambok ko kag ya bilbil. Madamo gid nga salamat!

mga alas siyete sa gab-i naglakat ako pakadto sa Malaybalay para magkita isang iban ko pa nga mga barkada.

Sa liwat madamo gid nga salamat!

kimoy

My President NOYNOY

Matapos ang pila ka tuig nga pagpungko ni PGMA as President sang Pilipinas karon nga adlaw mahuman na gid ang iya corrpt nga pang-gobyerno.

Karon nga adlaw, samtang nagapanaog si Gloria sa Malacanang, amo man ang pagsaka ni Noynoy bilang ika-15 nga President sang Pilipinas. Si Noynoy nagdaog matapos makuha ang may halos 15 milyones nga boto katung nagligad nga pinakauna nga Automated Election (Mayo 10, 2010). Pipila man ka kontrobersiya ang naglagpasan ni Noynoy kag sang iya grupo nga Liberal Party.

Duha ka semana bag-o ang pormal ang pagpungko ni Noynoy, mataas-taas man nga debate ang natabo sa sulod sang Congreso samtang ginacanvass ang mga tally sheets kag iban pa nga mga electoral protest particular na sa mga napeldi nga mga kandidato.

Si Noynoy ang ikaapat nga batan-on nga President kag ang pinakauna nga Single President sang Pilipinas. Hangtud karon wala pa kablo ang mga tawo kung kinsa gid ang First lady ni Noynoy; ang mga utod niya nga bayi o ang nobya nga si Shallani?

Well, medyo damo gid nga problema ang atubangon ni Noynoy halin sa administrasyon ni PGMA. Idugang mo pa ang halos 15 bilyones nga deficit sang nagligad nga administrasyon. Meaning amo na ang kantidad nga dugang utang sang Pilipiunas... sin-o ang magbayad? KITA!

Si Noynoy indi man Superhero nga mahimo insigida ang mga pagbag-o sa Pilipinas. Magtinabangay kita para sa kaayuhan sang aton nga nasyon. Indi naton tanan isalig kay Noynoy. Kita man dapat maghimo sang angay naton buhaton. magsunod sa mga simple nga patakaran sang aton nasyon halin sa paghaboy sang aton mga basura sa insakto nga lugar hangtud sa pagbayad sang aton buwis.

Magbantay kag mangin aktibo nga Pilipino!

Kimoy

Eroplano nga Papel

Isa ka hapon sa eskwelahan sa Kong Hua nagapractice mga estudyante ko para sa ila cheerdance. Ang iban tama gid ka urogtasan. Waay ga paramati sa mga ginahambal ka trainor. Simple nga instruction indi ka sunod.

Sa pihak sang pader may mga panimalay. Ang iban mga bata gatamwa-tamwa sa pader makalantaw kung ano ginahimo namon sa sunlod. Samtang ginalantaw ko lang sila nakahambal man ako nga: "Amo gid siguro ning kinabuhi. Ang iban sa sulod na sang eskwelahan pero wala gapakita sang pagpaningkamot sa pagtuon. Samtang ang iban kabataan, kinahanglan pa manaka ka pader makalantaw lang sang eskwelahan nga ginatawag".

Ginpalapitan ko ang mag bata kag ginistorya. nalingaw man ako sang mga sabat sang mga bata sa akon. Ang isa ka bata gahampang ka iya nga eroplano nga papel. Mataas ang mga bata nga ako naistorya pero ang sitwasyon nagahambal sang kalisud sang kinabuhi nga bisan gani pag paeskwela sa elementary indi na kaya sang ila mga ginikanan.

Amo nga dapat naton tandaan, nga ang mga tawo may kadaiya nga krus nga paga-antuson samtang may iban nga ginausikan lamang ang mga tion kag grasya nga ginhatag sa ila sang Dios. Gabay nga ining mga kabataan pagagiyahan sang Dios sa ila pagpanglakatan kag sa pag-atubang sa mga kalisud nga ila makasulapo sa mga masunod nga inoras, inadlaw, binulan, kag tinuig sang ila kinabuhi.

kimrowell84

Masiag, Sultan Kudarat Trip

Mga tatlo hangtud apat ka oras ang biyahe halin sa Isulan pakadto sa Masiag. Agian mo ang mga barangay sang Daguma, Poblacion, Titulok, Little Baguio, Chua, Falls, Lawaan, Panalam kag Masiag. Pakadto sa Masiag kinahanglan mo magsakay sa Skylab o forward. Kung magSkylab ka 100 ang pamasahe kong forward mga 60 ang balayran.

Hambal sang iban 10 n lang pamasahe maabot mo na ang langit. Agian mo ang kilid sa bukid. Pag-abot mo sa Chua, pinaw pinawaon na ang mga lugar sa ubos tungod sa katass sang lugar. Malamig ang temperaratura especially kung kagab-ihon kag kaagahan. Puno ka ambon ya mga bukid.

Kung adventure ginapangita niyo adto kamo sa Masiag kay malingaw gid kamo. Mga kapin 10 man ka tuig nga nag-stay ako sa Masiag. Didto ako nagraduate sang akon Elementary. Sa Notre Dame of Masiag ako nag High School but only up to Thrid Year lang. Nagbalhin ako sa MSU Gensan pag Fourth Year ko.

Kung may bakante ako, gauli ako sa Masiag kay damo ako mga barkada kag mga experiences nga indi gid malimtan sa Masiag.

Last time, nag-uli ko didto. Iban sa mga tupad namon sadto kag mga kilala indi dun makakilalal sa akon. Sa una abi pertri gid ako ka kuribod, Karon kay nagdako na gamay.

Gin bisita ko ang mga eskwelahan ko sa una. Pati mga aragyan pakadto sa Daluga. Pati mga suba nga ginatambok namon sa una upod akon manghod. Hahay, namiss ko ang amon kinabuhi sa una. Lisod pero nakasurvived man gihapon.

Unta sa pagbalik ko, damo na gid ang improvement sa lugar.

Mabuhay Masiaguenos!

Kalipay sa Kabuntagun!

Ako nagalumpat sa kalipay para sa Dios......

Ini isa ka pamaagi sa pagpasalamat sa iya kaayo nga pagtuga sa tanan nga butang sa kalibutan, ang simbolo sang iya paghigugma para sa tanan....

Kita man magalupad kapareho sang isa ka agila. may pagtuo nga himpit kag pagsalis sa Dios. Kay ang aton pagtuo amo ang magaluwas sa aton, subong man sang mga hamili nga kamot sang Dios nga handa sa pagsalo sa kung kita mahulog.

Kapareho sang tin-aw nga tubig, Ang Ginuo naghatag sa aton sang kasiguruhan sa walay takus nga gugma, paghatag sang sabat sa aton kauhaw sa mga tiun nga kita puno sang kakulangan, kag sa busog sa aton lawasnon nga kinahanglanon pamaagi sa tinapay sang kabuhi.....

Angay lamang nga Siya paga ambahon sa tanan nga tiun. Aton paningkamutan nga aton maabot ang kalipay nga wala sing kaparehas dira sa pagpangabuhi suno sa kagustuhan sang Dios, karun kag hangtud sa kahangturan. AMEN

kimrowell

ANG ILONGGO

WELCOME!

Ako isa ka ilonggo nga naghalin pa sa banwa sang Mina sa Iloilo. Sa kadamo na sang mga blog ko nga ginhimo tanan nakasulat sa english kung kis-a tagalog. Para malain duman, maghimo ako sang blog nga gamit ang inilonggo o Karay-a.

Mga lima ako ka tuig kag magbalhin kami diri sa Mindanao. Mas mayad pa diri sa Mindanao kay wala kaayo sang bagyo. Nadumduman ko pa sauna nga ang balay namon sa Iloilo permi lang galupad ang atop kay tama gid ka dulos ang hangin. bata pa ako sadto, nadumduman ko pa gid kung paano ako ginhuyop ka hangin samtang nagalatay sa kahon sa kabasakan nga gabitbit ka kaldero. Halin sadto ginphobia na ako.

Maayo pa diri sa Mindanao, biskan permi giyera at least wala bagyo. daw wala naman kami nahadlok diri kung may mga ginamo kay nasanay duman kami.

Sa sini nga blog mabasa ninyo ang mga storya nga inilonggo, mga tradisyon, mga pati-pati kag iban pa nga storya nahanungod sa mga Ilnggo.

Makita man ninyo diri ang akon mga personal nga kuha. Mahilig man abi ako sa photography. Enjoy lang sa pagbasa. Pwede man kamo mamangkot kung kinahanglan.

Kimrowell